کھل گئیں آنکھیں کہ جب دنیا کا سچ ہم پر کھلا

کھل گئیں آنکھیں کہ جب دنیا کا سچ ہم پر کھلا

اپنے اندر سب کھلے ہیں کون ہے باہر کھلا

قتل سے پہلے ذرا چیخوں پہ اک مقتول کی

کچھ دریچے تو کھلے لیکن نہ کوئی در کھلا

تنگ ہو جائے زمیں بھی اب تو کوئی غم نہیں

ہم فقیروں کے لئے ہے آسماں سر پر کھلا

آدمی کے ظاہر و باطن میں کتنا فرق ہے

آج دوران مسافت ہم پہ یہ منظر کھلا

دو دعائیں شاہ کو جن کے زمانے میں ظفرؔ

وہ پذیرائی ہوئی غالبؔ کا ہر جوہر کھلا

khul gain ankhen ke jab duniya ka sach ham par khula

apne andar sab khule hain kaun hai bahar khula

qatl se pahle zara chikhon pe ik maqtul ki

kuchh dariche to khule lekin na koi dar khula

tang ho jae zamin bhi ab to koi gham nahin

ham faqiron ke liye hai asman sar par khula

admi ke zahir-o-batin mein kitna farq hai

aj dauran-e-masafat ham pe ye manzar khula

do duaen shah ko jin ke zamane mein zafar

wo pazirai hui ghalib ka har jauhar khula