سکون قلب ہے دھڑکن کی انتہا ہے غزل

سکون قلب ہے دھڑکن کی انتہا ہے غزل

وقار زیست ہے سانسوں کا سلسلہ ہے غزل

کلی کی نازکی پھولوں کی ہر ادا ہے غزل

دلہن کی شرم و حیا سرخیٔ حنا ہے غزل

زمانے بھر کی تو ہر شے سے آشنا ہے غزل

تمام لفظ ترے دل کا آئنہ ہے غزل

کبھی مچلتے لبوں کی سی نازکی تو کبھی

دہکتی ریت پہ ٹھہری ہوئی نوا ہے غزل

نئی حیات کے پہلو کو دستکیں دیتی

لباس روح میں اتری ہوئی صدا ہے غزل

اندھیری رات میں امید کی کرن جیسی

کسی غریب کی خوشیوں کی ابتدا ہے غزل

نگار حسن ہے یہ حسن کائنات بھی ہے

اسی لیے تو ہمیشہ سے خوش نما ہے غزل

دوپٹا کھینچ لیا اس کا جس نے جب چاہا

سخن کی لاج ہے پھر بھی تو بے ردا ہے غزل

ذہینؔ اس کا اثر بے اثر نہیں ہوتا

کسی فقیر کی مانگی ہوئی دعا ہے غزل

sukun-e-qalb hai dharkan ki intiha hai ghazal

waqar-e-zist hai sanson ka silsila hai ghazal

kali ki nazuki phulon ki har ada hai ghazal

dulhan ki sharm-o-haya surkhi-e-hina hai ghazal

zamane bhar ki to har shai se ashna hai ghazal

tamam lafz tire dil ka aina hai ghazal

kabhi machalte labon ki si nazuki to kabhi

dahakti ret pe thahri hui nawa hai ghazal

nai hayat ke pahlu ko dastaken deti

libas-e-ruh mein utri hui sada hai ghazal

andheri rat mein ummid ki kiran jaisi

kisi gharib ki khushiyon ki ibtida hai ghazal

nigar-e-husn hai ye husn-e-kainat bhi hai

isi liye to hamesha se khush numa hai ghazal

dopatta khinch liya us ka jis ne jab chaha

sukhan ki laj hai phir bhi to be rida hai ghazal

zahin us ka asar be asar nahin hota

kisi faqir ki mangi hui dua hai ghazal