آئنے میں خود اپنا چہرا ہے

آئنے میں خود اپنا چہرا ہے

پھر بھی کیوں اجنبی سا لگتا ہے

جس پہ انسانیت کو ناز تھا کل

اب وہ سب سے بڑا درندہ ہے

فکر بھی ہے عجیب سا جنگل

جس کا موسم بدلتا رہتا ہے

کیسے اپنی گرفت میں آئے

آگہی اک بسیط دریا ہے

اس میں ظلمت پنپ نہیں سکتی

ذہن سورج کی تاب رکھتا ہے

وہ سمجھتا ہے آئنے کی بساط

جس نے پتھر کبھی تراشا ہے

کیا ہماری وفا شعاری سے

ہر جگہ انتشار برپا ہے

aine mein khud apna chehra hai

phir bhi kyun ajnabi sa lagta hai

jis pe insaniyat ko naz tha kal

ab wo sab se bara darinda hai

fikr bhi hai ajib sa jangal

jis ka mausam badalta rahta hai

kaise apni giraft mein ae

agahi ik basit dariya hai

is mein zulmat panap nahin sakti

zehn-e-suraj ki tab rakhta hai

wo samajhta hai aine ki bisat

jis ne patthar kabhi tarasha hai

kya hamari wafa shiari se

har jagah intishar barpa hai