مجھ کو سمجھو نہ حرف غلط کی طرح

مجھ کو سمجھو نہ حرف غلط کی طرح

ثبت ہو جاؤں گا دستخط کی طرح

غور سے پڑھ رہا ہوں زمانے تجھے

اپنے محبوب کے پہلے خط کی طرح

وہ ہمیشہ نگاہوں میں تنہا رہا

صاف پانی میں شفاف بط کی طرح

ہم نے پتھر سے ہیرے تراشے ظفرؔ

دست قدرت کے بے مثل قط کی طرح

mujh ko samjho na harf-e-ghalat ki tarah

sabt ho jaunga dastkhat ki tarah

ghaur se parh raha hun zamane tujhe

apne mahbub ke pahle khat ki tarah

wo hamesha nigahon mein tanha raha

saf pani mein shaffaf bat ki tarah

ham ne patthar se hire tarashe zafar

dast-e-qudrat ke be misl qat ki tarah