محبت کرنے والوں کی دل آزاری نہیں کرتے

محبت کرنے والوں کی دل آزاری نہیں کرتے

خطا پر سر جھکانے والے مکاری نہیں کرتے

ہم اپنا آسمان فن خود اپنے ساتھ رکھتے ہیں

کسی کی شمع سے گھر میں ضیا باری نہیں کرتے

ہمیں پانی پہ چلنے کا ہنر معلوم ہے لیکن

کسی حالت میں ہم کوئی اداکاری نہیں کرتے

روایت تازگیٔ فکر سے محروم رہ جاتی

اگر ہم میرؔ و غالبؔ کی طرف داری نہیں کرتے

ہمارے اسلحہ خانوں میں اکثر آگ لگتی ہے

مگر ہم کام کوئی غیر سرکاری نہیں کرتے

جنازہ اٹھ گیا جب سے یہاں ایمان داری کا

ہم اپنے رہبروں کی ناز برداری نہیں کرتے

وہ ریگستاں کو دعوت دے کے اپنے گھر بلاتے ہیں

کبھی جو اپنی بستی میں شجرکاری نہیں کرتے

mohabbat karne walon ki dil azari nahin karte

khata par sar jhukane wale makkari nahin karte

ham apna asman-e-fan khud apne sath rakhte hain

kisi ki shama se ghar mein ziya bari nahin karte

hamen pani pe chalne ka hunar maalum hai lekin

kisi halat mein ham koi adakari nahin karte

riwayat tazgi-e-fikr se mahrum rah jati

agar ham mir-o-ghalib ki taraf dari nahin karte

hamare asliha khanon mein aksar ag lagti hai

magar ham kam koi ghair sarkari nahin karte

janaza uth gaya jab se yahan iman dari ka

ham apne rahbaron ki naz bardari nahin karte

wo registan ko daawat de ke apne ghar bulate hain

kabhi jo apni basti mein shajarkari nahin karte