ہر غزل ہر شعر اپنا استعارہ آشنا

ہر غزل ہر شعر اپنا استعارہ آشنا

فصل گل میں جیسے شاخ گل شرارا آشنا

خون تھوکا دل جلایا نقد جاں قربان کی

شہر فن میں میں رہا کتنا خسارا آشنا

کہہ گیا اپنی نظر سے ان کہے قصے بھی وہ

بزم حرف و صوت میں جو تھا اشارا آشنا

اپنے ٹوٹے شہپروں کے نوحہ گر تو تھے بہت

دشت فن میں تھا نہ کوئی سنگ خارا آشنا

عمر بھر بپھری ہوئی موجوں سے جو لڑتا رہا

وہ سمندر تو ازل سے تھا کنارا آشنا

har ghazal har sher apna istiara ashna

fasl-e-gul mein jaise shakh-e-gul sharara ashna

khun thuka dil jalaya naqd-e-jan qurban ki

shahr fan mein main raha kitna khasara ashna

kah gaya apni nazar se an kahe qisse bhi wo

bazm-e-harf-o-saut mein jo tha ishara ashna

apne tute shahparon ke nauha gar to the bahut

dasht-e-fan mein tha na koi sang-e-khara ashna

umr bhar biphri hui maujon se jo larta raha

wo samundar to azal se tha kinara ashna