لفظوں سے تصویر بناتا جاؤں میں

لفظوں سے تصویر بناتا جاؤں میں

ہنستے گاتے رنگ دکھاتا جاؤں میں

تیرے دم سے جیون میں ہریالی ہے

دھوپ تجھے سپنوں میں سجاتا جاؤں میں

حرف و قلم کی جولانی جب قائم ہے

کاغذ کاغذ کھیت اگاتا جاؤں میں

سینہ سینہ سورج بن کر جب اتروں

انگلی انگلی خواب جگاتا جاؤں میں

دریا دریا اپنے اندر یوں پھیلوں

جنگل جنگل راہ بناتا جاؤں میں

کچی کچی پھول ستارے شعلے خون کتاب

اپنے کتنے روپ دکھاتا جاؤں میں

ذہن جلے انگارہ آنکھیں ہو جائیں

جذبوں کے مہتاب لٹاتا جاؤں میں

lafzon se taswir banata jaun main

hanste gate rang dikhata jaun main

tere dam se jiwan mein hariyali hai

dhup tujhe sapnon mein sajata jaun main

harf-o-qalam ki jaulani jab qaim hai

kaghaz kaghaz khet ugata jaun main

sina sina suraj ban kar jab utrun

ungli ungli khwab jagata jaun main

dariya dariya apne andar yun phailun

jangal jangal rah banata jaun main

kachchi kachchi phul sitare shole khun kitab

apne kitne rup dikhata jaun main

zehn jale angara ankhen ho jaen

jazbon ke mahtab lutata jaun main