لڑکیاں گھر میں نکھر آئی ہیں پھولوں کی طرح

لڑکیاں گھر میں نکھر آئی ہیں پھولوں کی طرح

وقت ٹھہرا ہے مگر سوکھی ببولوں کی طرح

دل تو کہتا ہے کہ ہر ہاتھ پہ بیعت کر لیں

لوگ یوں راہ میں ملتے ہیں رسولوں کی طرح

چھت کو تھامے رہو اس شہر میں انسان ابھی

سر اٹھائے ہوئے پھرتے ہیں بگولوں کی طرح

تیری شرطوں پہ مجھے زندگی منظور نہیں

میں نے چاہا ہے تجھے اپنے اصولوں کی طرح

دیکھ لینا مری تصویر کو حسرت سے سہی

یاد آؤں جو کبھی میں تجھے پھولوں کی طرح

کل کی تاریخ تمہیں ایسی سزا دے گی ظفرؔ

گھر میں لٹکا دئے جاؤ گے مقولوں کی طرح

larkiyan ghar mein nikhar ai hain phulon ki tarah

waqt thahra hai magar sukhi babulon ki tarah

dil to kahta hai ke har hath pe baiat kar len

log yun rah mein milte hain rasulon ki tarah

chhat ko thame raho is shahr mein insan abhi

sar uthae hue phirte hain bagulon ki tarah

teri sharton pe mujhe zindagi manzur nahin

main ne chaha hai tujhe apne usulon ki tarah

dekh lena miri taswir ko hasrat se sahi

yad aun jo kabhi main tujhe phulon ki tarah

kal ki tarikh tumhen aisi saza degi zafar

ghar mein latka diye jaoge maqulon ki tarah