جوش ہر موج میں اچھال کا تھا

جوش ہر موج میں اچھال کا تھا

حوصلہ ہم میں بھی کمال کا تھا

لوگ کیوں اپنی سمت بھول گئے

سوئی کا رخ اگر شمال کا تھا

ہو گئے میرے راستے روشن

یہ اجالا ترے جمال کا تھا

میں نے بھی اپنے پھن نکال لئے

اس کا انداز اشتعال کا تھا

مسجدوں میں دعائیں ٹھہر گئیں

وقت شاید ابھی زوال کا تھا

نام محبوب پر ہی جاں دے دی

عشق تو حضرت بلال کا تھا

ہم بھی رکھتے تھے سر پہ تاج ظفرؔ

جب کرم رب ذو الجلال کا تھا

josh har mauj mein uchhal ka tha

hausla ham mein bhi kamal ka tha

log kyun apni samt bhul gae

soi ka rukh agar shumal ka tha

ho gae mere raste raushan

ye ujala tire jamal ka tha

main ne bhi apne phan nikal liye

us ka andaz ishtial ka tha

masjidon mein duaen thahar gain

waqt shayad abhi zawal ka tha

nam mahbub par hi jan de di

ishq to hazrat-e-bilal ka tha

ham bhi rakhte the sar pe taj zafar

jab karam rab zu aljalal ka tha