وہ بھی ہو گئے شامل میرے نکتہ چینوں میں

وہ بھی ہو گئے شامل میرے نکتہ چینوں میں

میں نے جن کو پالا تھا اپنی آستینوں میں

آئنہ پرکھنے کا تجربہ ہمیں بھی ہے

ایک عمر گزری ہے اپنی مہ جبینوں میں

بارہا محبت کے بیج بو کے دیکھا ہے

نفرتیں ہی اگتی ہیں آج کل زمینوں میں

کیا بچاتے جاں اپنی ہر طرف ہی قاتل تھے

اور جو محافظ تھے مل گئے کمینوں میں

سامنا تو ہونے دو خود ہی جان جاؤ گے

تم کو ہم نے دیکھا ہے صرف دوربینوں میں

نظریہ بدل جائے یا نظر بدل جائے

بال آ ہی جاتے ہیں دل کے آبگینوں میں

اب کہاں ظفرؔ صاحب حسن میں سلیقہ ہے

عشق بھی نہیں ملتا اب کہیں قرینوں میں

wo bhi ho gae shamil mere nukta chainon mein

main ne jin ko pala tha apni astinon mein

aina parakhne ka tajriba hamen bhi hai

ek umr guzri hai apni mah jabinon mein

barha mohabbat ke bij bu ke dekha hai

nafraten hi ugti hain aj kal zaminon mein

kya bachate jan apni har taraf hi qatil the

aur jo muhafiz the mil gae kaminon mein

samna to hone do khud hi jan jaoge

tum ko ham ne dekha hai sirf durbinon mein

nazariyya badal jae ya nazar badal jae

bal a hi jate hain dil ke abginon mein

ab kahan zafar sahab husn mein saliqa hai

ishq bhi nahin milta ab kahin qarinon mein