ترا یقین ہوں میں کب سے اس گمان میں تھا

ترا یقین ہوں میں کب سے اس گمان میں تھا

میں زندگی کے بڑے سخت امتحان میں تھا

شجر شجر مری آمد کا منتظر موسم

میں برگ گل سا ہواؤں کی اک اڑان میں تھا

پٹک کے توڑ دیا جس نے تیشۂ جاں کو

میں جوئے شیر سا پنہاں اسی چٹان میں تھا

اندھیری رات میں سمت صدا پہ چھوڑ دیا

ہوس کا تیر جو اس جسم کی کمان میں تھا

اٹھا سکا نہ میں دست تہی سے پتھر بھی

متاع غیر سا وہ کانچ کی دوکان میں تھا

یہ دور علم و ہنر اس کو پڑھ نہیں پایا

صحیفہ دل کا مرا جانے کس زبان میں تھا

tira yaqin hun main kab se is guman mein tha

main zindagi ke bare sakht imtihan mein tha

shajar shajar miri amad ka muntazir mausam

main barg-e-gul sa hawaon ki ik uran mein tha

patak ke tor diya jis ne tesha-e-jan ko

main ju-e-sher sa pinhan isi chatan mein tha

andheri rat mein samt-e-sada pe chhor diya

hawas ka tir jo is jism ki kaman mein tha

utha saka na main dast-e-tahi se patthar bhi

mata-e-ghair sa wo kanch ki dukan mein tha

ye daur ilm-o-hunar us ko parh nahin paya

sahifa dil ka mira jane kis zaban mein tha