شعلے سے چٹکتے ہیں ہر سانس میں خوشبو کے

شعلے سے چٹکتے ہیں ہر سانس میں خوشبو کے

آئی ہے صبا شاید وہ پھول سا تن چھو کے

احساس کے جنگل میں اک آگ بھڑکتی ہے

جھونکے کسی گلشن میں ہیں رقص کناں لو کے

اوروں نے بھی پوجا ہے اے دوست تجھے لیکن

یکساں تو نہیں ہوتے جذبات من و تو کے

یہ عہد تمنا بھی اک دور قیامت ہے

جب حسن پیے آنسو اور عشق لہو تھوکے

ہم خوشۂ گندم کو جنت سے یہاں لائے

پھر بھی ترے دیوانے دنیا میں رہے بھوکے

وہ درد کو چنتا تھا پلکوں سے ستاروں کو

نغموں میں بدلتا ہے احساس کے لب چھو کے

کچلا ہے بہت دل کو سنگین حقائق نے

پھر بھی نہ ظفرؔ بھولے قصے رخ و گیسو کے

shole se chatakte hain har sans mein khushbu ke

ai hai saba shayad wo phul sa tan chhu ke

ehsas ke jangal mein ik ag bharakti hai

jhonke kisi gulshan mein hain raqs kunan lo ke

auron ne bhi puja hai ai dost tujhe lekin

yaksan to nahin hote jazbat man-o-to ke

ye ahd-e-tamanna bhi ik dur qayamat hai

jab husn piye ansu aur ishq lahu thuke

ham khosha-e-gandum ko jannat se yahan lae

phir bhi tire diwane duniya mein rahe bhuke

wo dard ko chunta tha palkon se sitaron ko

naghmon mein badalta hai ehsas ke lab chhu ke

kuchla hai bahut dil ko sangin haqaiq ne

phir bhi na zafar bhule qisse rukh-o-gesu ke