سات رنگوں سے بنی ہے یاد تازہ

سات رنگوں سے بنی ہے یاد تازہ

دھوپ لکھ لائی مبارک باد تازہ

بن گئی جنت تو ہجرت کر گئے ہیں

نو بہ نو ہے دشت جاں آباد تازہ

لفظ و معنی کا زیاں ہے خود عذابی

لوح دل پر ہے قلم کی داد تازہ

آب تازہ خنجر خاموش کو دے

ہے بریدہ لب پہ پھر فریاد تازہ

پھر بہانے جائے گا لاوا لہو کا

خشت دل پر گھر کی رکھ بنیاد تازہ

بے چراغاں بستیوں کو زندگی دے

اک ستم ایسا بھی کر ایجاد تازہ

ایسی چپ سے اور دل گھٹنے لگا ہے

کچھ تو ہو روح نوا ارشاد تازہ

sat rangon se bani hai yad taza

dhup likh lai mubarak bad-e-taza

ban gai jannat to hijrat kar gae hain

nau ba nau hai dasht-e-jan abad taza

lafz-o-maani ka ziyan hai khud azabi

lauh-e-dil par hai qalam ki dad taza

ab taza khanjar-e-khamosh ko de

hai burida lab pe phir fariyad taza

phir bahane jaega lawa lahu ka

khisht dil par ghar ki rakh buniyad taza

be charaghan bastiyon ko zindagi de

ik sitam aisa bhi kar ijad taza

aisi chup se aur dil ghatne laga hai

kuchh to ho ruh-e-nawa irshad-e-taza