آندھی ہے تیز دھول سے گھر اور اٹ نہ جائے

آندھی ہے تیز دھول سے گھر اور اٹ نہ جائے

ٹوٹے کواڑ بند کرو دم الٹ نہ جائے

بے سمت زندگی کا سفر بن کی رات ہے

ناگن سا وقت ڈس کے اچانک پلٹ نہ جائے

اجڑا ہوا مکان ہے دستک نہ دیجیے

سایہ کوئی کہیں سے نکل کر لپٹ نہ جائے

چھوٹا سا گھر سہی اسے رکھیے سنبھال کے

ملکوں کی قسمتوں کی طرح یہ بھی بٹ نہ جائے

شیشے کے گھر میں سوچ کے رکھیے ظفرؔ قدم

سنگ صدا کی چوک سے دیوار پھٹ نہ جائے

andhi hai tez dhul se ghar aur at na jae

tute kiwar band karo dam ulat na jae

be samt zindagi ka safar ban ki rat hai

nagin sa waqt das ke achanak palat na jae

ujra hua makan hai dastak na dijiye

saya koi kahin se nikal kar lipat na jae

chhota sa ghar sahi use rakhiye sambhal ke

mulkon ki qismaton ki tarah ye bhi bat na jae

shishe ke ghar mein soch ke rakhiye zafar qadam

sang-e-sada ki chok se diwar phat na jae