ہمکتی کونپلوں کو خشک گھاس کر دے گی

ہمکتی کونپلوں کو خشک گھاس کر دے گی

ہوا درختوں کو پھر بے لباس کر دے گی

شگفتہ پھول ہیں محفوظ رکھو موسم سے

یہ سخت دھوپ تو پھولوں کا ناس کر دے گی

سلگتے چاند سا میں تیرے ساتھ ساتھ رہا

سفر کی شام تجھے بھی اداس کر دے گی

اسی سبب تو میں دشت بلا میں چپ چپ تھا

یہ آپ بیتی تمہیں بد حواس کر دے گی

نظر میں اڑتی رہی یوں ہی گرد گمراہی

تو جسم و جاں کو بہم نا شناس کر دے گی

اتر ہی آؤں گا اک دن خلا کے مسکن سے

ہوا کو قید یہ مٹی کی باس کر دے گی

hamkiti konpalon ko khushk ghas kar degi

hawa darakhton ko phir be libas kar degi

shagufta phul hain mahfuz rakho mausam se

ye sakht dhup to phulon ka nas kar degi

sulagte chand sa main tere sath sath raha

safar ki sham tujhe bhi udas kar degi

isi sabab to main dasht-e-bala mein chup chup tha

ye ap biti tumhen bad hawas kar degi

nazar mein urti rahi yun hi gard gumrahi

tu jism-o-jan ko baham na shanas kar degi

utar hi aunga ik din khala ke maskan se

hawa ko qaid ye mitti ki bas kar degi