خواب رنگوں سے بنی ہے یاد تازہ

خواب رنگوں سے بنی ہے یاد تازہ

دھوپ لکھ لائی مبارک یاد تازہ

پھر بہا لے جائے گا لاوا لہو کا

سنگ دل پر گھر کی رکھ بنیاد تازہ

آب تازہ خنجر خاموش کو دے

ہے بریدہ لب پہ اک فریاد تازہ

بے ستونی پھر اٹھائے سنگ سر ہے

چاہتی ہے جوئے خوں فرہاد تازہ

بے چراغاں بستیوں کو زندگی دے

اک ستم ایسا بھی کر ایجاد تازہ

آسماں سر پر بھی کیا قائم نہیں ہے

کچھ تو کہہ اے عقدۂ افتاد تازہ

ایسی سنگیں چپ کہ دل پھٹنے لگا ہے

کچھ تو اے شعلہ نوا ارشاد تازہ

khwab rangon se bani hai yad taza

dhup likh lai mubarak yad taza

phir baha le jaega lawa lahu ka

sang dil par ghar ki rakh buniyad-e-taza

ab taza khanjar-e-khamosh ko de

hai burida lab pe ik fariyad taza

be sutuni phir uthae sang-e-sar hai

chahti hai ju-e-khun farhad taza

be charaghan bastiyon ko zindagi de

ik sitam aisa bhi kar ijad-e-taza

asman sar par bhi kya qaim nahin hai

kuchh to kah ai uqda-e-uftad taza

aisi sangin chup ke dil phatne laga hai

kuchh to ai shola nawa irshad-e-taza