نوائے حق پہ ہوں قاتل کا ڈر عزیز نہیں

نوائے حق پہ ہوں قاتل کا ڈر عزیز نہیں

پڑے جہاد تو اپنا بھی سر عزیز نہیں

پڑا ہوا ہوں سر رہ گزر تو رہنے دے

تری گلی سے زیادہ تو گھر عزیز نہیں

فقیر شہر کو لعل و گہر سے کیا نسبت

مرے عزیز مجھے مال و زر عزیز نہیں

پھلوں کو لوٹ کے لے جاؤ پیڑ مت کاٹو

شجر عزیز ہے مجھ کو ثمر عزیز نہیں

وہ لوگ ہم سے الگ اپنا راستہ کر لیں

کہ جن کو شہر وفا کا سفر عزیز نہیں

بہت عزیز ہیں مجھ کو محبتیں لیکن

محبتوں میں سیاست ظفرؔ عزیز نہیں

nawa-e-haq pe hun qatil ka dar aziz nahin

pare jihad to apna bhi sar aziz nahin

para hua hun sar-e-rah guzar to rahne de

tiri gali se ziyada to ghar aziz nahin

faqir-e-shahr ko laal-o-guhar se kya nisbat

mire aziz mujhe mal-o-zar aziz nahin

phalon ko laut ke le jao per mat kato

shajar aziz hai mujh ko samar aziz nahin

wo log ham se alag apna rasta kar len

ke jin ko shahr-e-wafa ka safar aziz nahin

bahut aziz hain mujh ko mohabbaten lekin

mohabbaton mein siyasat zafar aziz nahin