مجھ کو نہیں دماغ گلوں کی شمیم کا

مجھ کو نہیں دماغ گلوں کی شمیم کا

احسان کیوں اٹھاؤں قفس میں نسیم کا

میری نگاہ شوق پہنچ جائے گی وہیں

پایا بلند لاکھ ہو تیرے حریم کا

پھیلی ہے اس کی خانۂ کعبہ میں روشنی

ہے داغ دل چراغ رہ مستقیم کا

ہم بوئے گل کے ساتھ قفس کو بھی لے اڑے

آیا چمن میں جب کوئی جھونکا نسیم کا

یہ میرے ایک اشک ندامت کا تھا اثر

شعلہ بھڑک کے بجھ گیا نار جحیم کا

مے خانۂ ازل کا ہوں میں مست وہ ذبیحؔ

پیتا ہوں لے کے نام غفور‌‌ الرحیم کا

mujh ko nahin dimagh gulon ki shamim ka

ehsan kyun uthaun qafas mein nasim ka

meri nigah-e-shauq pahunch jaegi wahin

paya buland lakh ho tere harim ka

phaili hai us ki khana-e-kaaba mein raushni

hai dagh-e-dil charagh-e-rah-e-mustaqim ka

ham bu-e-gul ke sath qafas ko bhi le ure

aya chaman mein jab koi jhonka nasim ka

ye mere ek ashk-e-nadamat ka tha asar

shola bharak ke bujh gaya nar-e-jahim ka

mai khana-e-azal ka hun main mast wo zabih

pita hun le ke nam ghafur alrrahim ka