ان کو پھر دیکھنے کی آس نہیں

ان کو پھر دیکھنے کی آس نہیں

چاک اب دامن حواس نہیں

منزل غم میں ساتھ ہے امید

میرا چہرہ ذرا اداس نہیں

پھر قفس چھوڑ کر کہاں جائیں

جب ہوائے چمن ہی راس نہیں

کیا امید وفا کرے کوئی

ان کو اپنی زباں کا پاس نہیں

آزماتا ہے ظرف کو ساقی

رند پی کر بھی بد حواس نہیں

کیا نرالی ہے حشر کی دنیا

ایک سے ایک روشناس نہیں

تنگ خود سے میں آ چکا ہوں ذبیحؔ

اب کوئی شے بھی آس پاس نہیں

un ko phir dekhne ki as nahin

chak ab daman-e-hawas nahin

manzil-e-gham mein sath hai ummid

mera chehra zara udas nahin

phir qafas chhor kar kahan jaen

jab hawa-e-chaman hi ras nahin

kya ummid-e-wafa kare koi

un ko apni zaban ka pas nahin

azmata hai zarf ko saqi

rind pi kar bhi bad hawas nahin

kya nirali hai hashr ki duniya

ek se ek rushanas nahin

tang khud se main a chuka hun zabih

ab koi shai bhi as pas nahin