سہنے کو تو سہہ جائیں غم کون و مکاں تک

سہنے کو تو سہہ جائیں غم کون و مکاں تک

اے خالق ہر درد مگر پھر بھی کہاں تک

پہنچے نہ کہیں دیدۂ خوننابہ فشاں تک

وہ حرف شکایت نہیں آیا جو زباں تک

یہ میری نگاہوں کے بنائے ہوئے منظر

کمبخت وہیں تک ہیں نظر جائے جہاں تک

اک رسم وفا تھی وہ زمانے نے اٹھا دی

اک زحمت بیکار تھی اٹھتی بھی کہاں تک

تم معتمد راز تھے کس طرح سے پہنچی

حیرت ہے مری بات زمانے کی زباں تک

چھوٹے جو قفس سے تو وہی قید چمن تھی

آزاد یہاں تک تھے گرفتار یہاں تک

تصویر رخ یار کھنچی جاتی ہے یاورؔ

ملتی ہے فریب غم دوراں سے کہاں تک

sahne ko to sah jaen gham kaun-o-makan tak

ai khaliq har dard magar phir bhi kahan tak

pahunche na kahin dida-e-khonnaba fishan tak

wo harf-e-shikayat nahin aya jo zaban tak

ye meri nigahon ke banae hue manzar

kambakht wahin tak hain nazar jae jahan tak

ik rasm-e-wafa thi wo zamane ne utha di

ik zahmat bekar thi uthti bhi kahan tak

tum motamad raz the kis tarah se pahunchi

hairat hai miri bat zamane ki zaban tak

chhote jo qafas se to wahi qaid-e-chaman thi

azad yahan tak the giraftar yahan tak

taswir-e-rukh yar khinchi jati hai yawar

milti hai fareb-e-gham dauran se kahan tak