گمان تک میں نہ تھا محو یاس کر دے گا

گمان تک میں نہ تھا محو یاس کر دے گا

وہ یوں ملے گا کہ مجھ کو اداس کر دے گا

کرم کرے گا مرے حال پر مگر پہلے

شرارتاً وہ مجھے غم شناس کر دے گا

شگفتگیٔ چمن پر بہت غرور نہ کر

خزاں کا دور تجھے بد حواس کر دے گا

گیا وہ دور کہ جب خار بھی مہکتے تھے

یہ دور وہ ہے جو پھولوں کو ناس کر دے گا

وہ حادثہ جو ابھی میرے ساتھ گزرا ہے

سنو گے تم تو تمہیں بھی اداس کر دے گا

اسے خبر کہ مرے دونوں ہاتھ خالی ہیں

مجھے یقین ہے وہ التماس کر دے گا

guman tak main na tha mahw-e-yas kar dega

wo yun milega ke mujh ko udas kar dega

karam karega mire hal par magar pahle

shararta wo mujhe gham shanas kar dega

shaguftagi-e-chaman par bahut ghurur na kar

khizan ka daur tujhe bad hawas kar dega

gaya wo dur ke jab khar bhi mahakte the

ye daur wo hai jo phulon ko nas kar dega

wo hadisa jo abhi mere sath guzra hai

sunoge tum to tumhen bhi udas kar dega

use khabar ke mire donon hath khali hain

mujhe yaqin hai wo iltimas kar dega