آ جائے وہ ملنے تو مجھے عید مبارک

آ جائے وہ ملنے تو مجھے عید مبارک

مت آئے بہ ہر حال اسے عید مبارک

ایسا ہو سب انسان ہوں خوش اتنے کہ ہر روز

اک دوسرے سے کہتا پھرے عید مبارک

ہاں مجھ سے جسے جس سے مجھے جو بھی گلہ ہو

آباد رہے شاد رہے عید مبارک

تنہائی سی تنہائی کہ دیوار بھی ششدر

اب کھل کے کہے یا نہ کہے عید مبارک

سرگوشی نے پتھر کو سبق یاد دلایا

پانی نے لکھا آئینے پہ عید مبارک

تم جو مرے شعروں کے مخاطب تھے نہ ہو گے

آخر میں تمہیں صرف تمہے عید مبارک

a jae wo milne to mujhe eid mubarak

mat ae ba har hal use eid mubarak

aisa ho sab insan hun khush itne ke har roz

ik dusre se kahta phire eid mubarak

han mujh se jise jis se mujhe jo bhi gila ho

abad rahe shad rahe eid mubarak

tanhai si tanhai ke diwar bhi shashdar

ab khul ke kahe ya na kahe eid mubarak

sargoshi ne patthar ko sabaq yad dilaya

pani ne likha aine pe eid mubarak

tum jo mire sheron ke mukhatib the na hoge

akhir mein tumhen sirf tumhai eid mubarak