ہے مرے سامنے میرے لئے دلگیر کوئی

ہے مرے سامنے میرے لئے دلگیر کوئی

شاید اب حسن کے ترکش میں نہیں تیر کوئی

جذبۂ شوق کی دیکھے مرے تاثیر کوئی

بن کے آیا ہے مرے شعر کی تفسیر کوئی

جرم الفت کی سزا دار و رسن تک محدود

اور کچھ اس سے سوا چاہئے تعذیر کوئی

آئنہ بن کے تری بزم میں سب کچھ دیکھا

اور خاموش رہا صورت تصویر کوئی

میری وحشت سے ہے زنداں میں جو اک حشر بپا

آ کے تھوڑی سی گھٹا دے مری زنجیر کوئی

ایک ہی بات پہ چہروں کے بدل جانے سے

قابل داد کوئی لائق تعزیر کوئی

ہیں مری نوک مژہ پر بھی نگاہیں سب کی

آنکھ کا اپنی نہیں دیکھتا شہتیر کوئی

ضبطؔ وہ ندرت گفتار ملی ہے مجھ کو

شوق سے سنتا ہے اکثر مری تقریر کوئی

hai mire samne mere liye dilgir koi

shayad ab husn ke tarkash mein nahin tir koi

jazba-e-shauq ki dekhe mire tasir koi

ban ke aya hai mire sher ki tafsir koi

jurm-e-ulfat ki saza dar-o-rasan tak mahdud

aur kuchh us se siwa chahiye taazir koi

aina ban ke tiri bazm mein sab kuchh dekha

aur khamosh raha surat-e-taswir koi

meri wahshat se hai zindan mein jo ik hashr bapa

a ke thori si ghata de miri zanjir koi

ek hi bat pe chehron ke badal jane se

qabil-e-dad koi laiq-e-taazir koi

hain miri nok-e-mizha par bhi nigahen sab ki

ankh ka apni nahin dekhta shahtir koi

zabt wo nidrit-e-guftar mili hai mujh ko

shauq se sunta hai aksar miri taqrir koi