خیال رنج و راحت سے بری معلوم ہوتی ہے

خیال رنج و راحت سے بری معلوم ہوتی ہے

محبت ماورائے زندگی معلوم ہوتی ہے

عجب کیفیت خود آگہی معلوم ہوتی ہے

خودی ہوتی ہے پیدا بے خودی معلوم ہوتی ہے

چمن میں کتنی ہی صیاد و گلچیں سازشیں کر لیں

مشیت تو مگر کچھ اور ہی معلوم ہوتی ہے

مرے ماحول کی پستی کا معیار اتنا اونچا ہے

کہ ہر ذلت وقار زندگی معلوم ہوتی ہے

بڑی مشکل سے اس منزل پہ پہنچا ہوں محبت کی

فغاں ہونٹوں پہ آ کر جب ہنسی معلوم ہوتی ہے

عبث ہے چارہ سازو اب علاج دل کے رہنے دو

مجھے تو اب یہ کشتی ڈوبتی معلوم ہوتی ہے

غموں کی دھوپ میں جلتا ہوں گو اس کی محبت میں

مگر پھر بھی وہ صورت چاند سی معلوم ہوتی ہے

بھری محفل میں تم نے ضبطؔ سے کیا پھیر لیں آنکھیں

زمانے کی نظر بدلی ہوئی معلوم ہوتی ہے

khayal-e-ranj-o-rahat se buri maalum hoti hai

mohabbat mawara-e-zindagi maalum hoti hai

ajab kaifiyat-e-khud agahi maalum hoti hai

khudi hoti hai paida be khudi maalum hoti hai

chaman mein kitni hi sayyad-o-gulchin sazishen kar len

mashiyyat to magar kuchh aur hi maalum hoti hai

mire mahaul ki pasti ka meyar itna uncha hai

ke har zillat waqar-e-zindagi maalum hoti hai

bari mushkil se is manzil pe pahuncha hun mohabbat ki

fughan honton pe a kar jab hansi maalum hoti hai

abas hai chara sazo ab ilaj-e-dil ke rahne do

mujhe to ab ye kashti dubti maalum hoti hai

ghamon ki dhup mein jalta hun go us ki mohabbat mein

magar phir bhi wo surat chand si maalum hoti hai

bhari mahfil mein tum ne zabt se kya pher len ankhen

zamane ki nazar badli hui maalum hoti hai