کیسی بلبل کہاں کے پروانے

کیسی بلبل کہاں کے پروانے

تم سلامت ہزار دیوانے

ہائے کیا کیا بنائے دنیا نے

اک محبت کے لاکھ افسانے

تیری برہم نگاہ کے صدقے

آنکھ بدلی ہوئی ہے دنیا نے

ہم نے دیکھی ہے زندگی کی بہار

ہم سے پوچھو خزاں کے افسانے

اس تغافل پہ ان کو کیا کہئے

میرے ہو کر مجھے نہ پہچانے

ساری رونق تھی شمع محفل تک

اب نہ ساقی نہ مے نہ پروانے

لاکھ دانا سہی مگر واعظ

منصب عاشقی کو کیا جانے

جن میں آزادیٔ جنوں ہی نہ ہو

میرے قابل نہیں وہ ویرانے

اتنی بوجھل ہے ضبطؔ زلف حیات

آدمیت کے رہ گئے شانے

kaisi bulbul kahan ke parwane

tum salamat hazar diwane

hae kya kya banae duniya ne

ik mohabbat ke lakh afsane

teri barham nigah ke sadqe

ankh badli hui hai duniya ne

ham ne dekhi hai zindagi ki bahar

ham se puchho khizan ke afsane

is taghaful pe un ko kya kahiye

mere ho kar mujhe na pahchane

sari raunaq thi sham-e-mahfil tak

ab na saqi na mai na parwane

lakh dana sahi magar waiz

mansab-e-ashiqi ko kya jane

jin mein azadi-e-junun hi na ho

mere qabil nahin wo wirane

itni bojhal hai zabt zulf-e-hayat

admiyyat ke rah gae shane