تو نے کیوں ہم سے توقع نہ مسافر رکھی

تو نے کیوں ہم سے توقع نہ مسافر رکھی

ہم نے تو جاں بھی ترے واسطے حاضر رکھی

ہاں اب اس سمت نہیں جانا پر اے دل اے دل

بام پر اس نے کوئی شمع اگر پھر رکھی

یہ الگ بات کہ وہ دل سے کسی اور کا تھا

بات تو اس نے ہماری بھی بظاہر رکھی

اب کسی خواب کی زنجیر نہیں پاؤں میں

طاق پر وصل کی امید بھی آخر رکھی

جب بھی جی چاہتا مرنے کو ہزاروں تھے جواز

زندگی ہم نے سلامت تری خاطر رکھی

ہجر کی شب کوئی وعدہ نہ کوئی یاد ظفرؔ

تو نے کیا چیز بچا کر مرے شاعر رکھی

tu ne kyun ham se tawaqqo na musafir rakhi

ham ne to jan bhi tire waste hazir rakhi

han ab us samt nahin jana par ai dil ai dil

bam par us ne koi shama agar phir rakhi

ye alag bat ke wo dil se kisi aur ka tha

bat to us ne hamari bhi bazahir rakhi

ab kisi khwab ki zanjir nahin paon mein

taq par wasl ki ummid bhi akhir rakhi

jab bhi ji chahta marne ko hazaron the jawaz

zindagi ham ne salamat tiri khatir rakhi

hijr ki shab koi waada na koi yad zafar

tu ne kya chiz bacha kar mire shayar rakhi