آ کے جب خواب تمہارے نے کہا بسم اللہ

آ کے جب خواب تمہارے نے کہا بسم اللہ

دل مسافر تھکے ہارے نے کہا بسم اللہ

ہجر کی رات میں جب درد کے بستر پہ گرا

شب کے بہتے ہوئے دھارے نے کہا بسم اللہ

شام کا وقت تھا اور ناؤ تھی ساحل کے قریب

پاؤں چھوتے ہی کنارے نے کہا بسم اللہ

اجنبی شہر میں تھا پہلا پڑاؤ میرا

بام سے جھک کے ستارے نے کہا بسم اللہ

موت سی سردی تھی جب راکھ میں ڈالا تھا ہاتھ

ایک ننھے سے شرارے نے کہا بسم اللہ

لڑکھڑائے جو ذرا پاؤں تو اک شور ہوا

قافلے سارے کے سارے نے کہا بسم اللہ

نا خدا چھوڑ گئے بیچ بھنور میں تو ظفرؔ

ایک تنکے کے سہارے نے کہا بسم اللہ

a ke jab khwab tumhare ne kaha bism allah

dil musafir thake hare ne kaha bism allah

hijr ki rat mein jab dard ke bistar pe gira

shab ke bahte hue dhare ne kaha bism allah

sham ka waqt tha aur nao thi sahil ke qarib

paon chhute hi kinare ne kaha bism allah

ajnabi shahr mein tha pahla parao mera

bam se jhuk ke sitare ne kaha bism allah

maut si sardi thi jab rakh mein dala tha hath

ek nanhe se sharare ne kaha bism allah

larkharae jo zara paon to ik shor hua

qafile sare ke sare ne kaha bism allah

na khuda chhor gae bich bhanwar mein to zafar

ek tinke ke sahare ne kaha bism allah