ہر سمت شور بندہ و صاحب ہے شہر میں

ہر سمت شور بندہ و صاحب ہے شہر میں

کیا عہد تلخ حفظ مراتب ہے شہر میں

ہر ناروا روا ہے بایں نام مصلحت

اک کار عشق غیر مناسب ہے شہر میں

کس حسن پر تجلی کی ہر چیز ہے اسیر

ہیبت یہ کس کے حکم کی غالب ہے شہر میں

اک خوف دشمنی جو تعاقب میں سب کے ہے

اک حرف لطف جو کہیں غائب ہے شہر میں

میں تنہا بینا شخص ہوں انبوہ خلق میں

سب آئنوں کا رخ مری جانب ہے شہر میں

اس خاک مردہ پر کسے آواز دیں ظفرؔ

ہجرت ہم ایسے لوگوں پہ واجب ہے شہر میں

har samt shor banda-o-sahab hai shahr mein

kya ahd-e-talkh hifz-e-muratib hai shahr mein

har narawa rawa hai bain nam maslahat

ik kar-e-ishq ghair munasib hai shahr mein

kis husn par tajalli ki har chiz hai asir

haibat ye kis ke hukm ki ghalib hai shahr mein

ik khauf dushmani jo taaqub mein sab ke hai

ik harf lutf jo kahin ghaib hai shahr mein

main tanha bina shakhs hun amboh khalq mein

sab ainon ka rukh miri janib hai shahr mein

is khak murda par kise awaz den zafar

hijrat ham aise logon pe wajib hai shahr mein