رات آنکھوں میں خواب آئے تھے

رات آنکھوں میں خواب آئے تھے

مسکراتے جناب آئے تھے

جس میں مرقوم تھا وفا کا سبق

پھر وہ لے کر کتاب آئے تھے

ان کے ہونٹوں نے جب غزل چھیڑی

میرے رخ پر گلاب آئے تھے

پھول کھلنے لگے تھے صحرا میں

سامنے پھر سراب آئے تھے

میرے حصہ میں ہر خوشی آئی

غم بھی کچھ بے حساب آئے تھے

میرے ارمان بہہ گئے سارے

ابر بن کر عذاب آئے تھے

راستے میں بکھر گئی نکہتؔ

بس وہ سوکھے گلاب آئے تھے

rat ankhon mein khwab ae the

muskurate janab ae the

jis mein marqum tha wafa ka sabaq

phir wo le kar kitab ae the

un ke honton ne jab ghazal chheri

mere rukh par gulab ae the

phul khulne lage the sahra mein

samne phir sarab ae the

mere hissa mein har khushi ai

gham bhi kuchh be hisab ae the

mere arman bah gae sare

abr ban kar azab ae the

raste mein bikhar gai nikhat

bas wo sukhe gulab ae the