کوئی تو بات ہوگی تمہاری نگاہ میں

کوئی تو بات ہوگی تمہاری نگاہ میں

دل جو نہ رہ سکا تھا ہماری پناہ میں

تم سے تو یوں ہوا نہیں سرزد کوئی قصور

ہوگی کوئی کمی ہی ہماری نباہ میں

ہم کیوں کریں تمہاری وفا سے کوئی گلہ

جب خود ہی کھو گئے تھے زمانے کی چاہ میں

تم نے دیا تھا ساتھ مگر ہم نہ چل سکے

ہم کو نجات کب ملی کانٹوں سے راہ میں

دریا سے پیاس بجھ نہ سکے گی یہ سوچ کر

لہرا کے چل پڑے تھے سمندر کی چاہ میں

koi to bat hogi tumhari nigah mein

dil jo na rah saka tha hamari panah mein

tum se to yun hua nahin sarzad koi qusur

hogi koi kami hi hamari nibah mein

ham kyun karen tumhari wafa se koi gila

jab khud hi kho gae the zamane ki chah mein

tum ne diya tha sath magar ham na chal sake

ham ko najat kab mili kanton se rah mein

dariya se pyas bujh na sakegi ye soch kar

lahra ke chal pare the samundar ki chah mein