بات مہندی سے لہو تک آ گئی

بات مہندی سے لہو تک آ گئی

گفتگو اب تم سے تو تک آ گئی

اب وہ شغل چاک دامانی کہاں

اب طبیعت تو رفو تک آ گئی

جان جائے یار ہے اب ڈر نہیں

بات اپنی آبرو تک آ گئی

آرزو تھی جس کو پانے کی ہمیں

جستجو اس آرزو تک آ گئی

بوٹے بوٹے سے نمایاں ہے بہار

ڈالی ڈالی رنگ و بو تک آ گئی

وصل کی شب اور اتنی مختصر

باتوں باتوں میں وضو تک آ گئی

bat mehndi se lahu tak a gai

guftugu ab tum se to tak a gai

ab wo shaghl-e-chak damani kahan

ab tabiat to rafu tak a gai

jan jae yar hai ab dar nahin

bat apni abru tak a gai

arzu thi jis ko pane ki hamen

justuju is arzu tak a gai

bute bute se numayan hai bahar

dali dali rang-o-bu tak a gai

wasl ki shab aur itni mukhtasar

baton baton mein wuzu tak a gai