زندگی میں ضبط پیدا کر دیا

زندگی میں ضبط پیدا کر دیا

اس کے غم نے دیکھیے کیا کر دیا

عقل و دل نے گو چھپایا راز کو

آنسوؤں نے پھر بھی رسوا کر دیا

اس کی آہٹ تھی یا میرا وہم تھا

دل میں جس نے حشر برپا کر دیا

جب چلی تھی ساتھ میں اک آس تھی

راستے نے مجھ کو تنہا کر دیا

کس کی نظریں پھر مسیحا بن گئیں

کس نے میرے دل کو زندہ کر دیا

ایک مدھم سی کرن نے یک بیک

خواب کو میرے سنہرا کر دیا

آس کا مرہم دیا یوں آپ نے

زخم دل کچھ اور گہرا کر دیا

رہ گئی تھی آزمائش کیا کوئی

جاں نے کیوں جانے میں وقفہ کر دیا

دور نکہتؔ گلستاں سے ہو گئی

اس ہوا نے کھیل کیسا کر دیا

zindagi mein zabt paida kar diya

us ke gham ne dekhiye kya kar diya

aql-o-dil ne go chhupaya raz ko

ansuon ne phir bhi ruswa kar diya

us ki ahat thi ya mera wahm tha

dil mein jis ne hashr barpa kar diya

jab chali thi sath mein ik as thi

raste ne mujh ko tanha kar diya

kis ki nazren phir masiha ban gain

kis ne mere dil ko zinda kar diya

ek maddham si kiran ne yak bayak

khwab ko mere sunahra kar diya

as ka marham diya yun ap ne

zakhm-e-dil kuchh aur gahra kar diya

rah gai thi azmaish kya koi

jan ne kyun jane mein waqfa kar diya

dur nikhat gulsitan se ho gai

is hawa ne khel kaisa kar diya