وہ ہوئے ایسے مہرباں مجھ پر

وہ ہوئے ایسے مہرباں مجھ پر

بار ہونے لگا جہاں مجھ پر

کتنی شفاف زندگانی تھی

اب تو چھانے لگا دھواں مجھ پر

اس نے آ کر نہ کچھ صفائی دی

قصے ہوتے رہے بیاں مجھ پر

گل کے مانند یہ سراپا تھا

جانے کب آ گئی خزاں مجھ پر

میرے دم سے چمن میں رنگت تھی

رشک کرتی تھیں تتلیاں مجھ پر

میں جہاں سے چلی بھی جاؤں تو

کیا کرے گا کوئی فغاں مجھ پر

جب بھی اس نے سنی نہ بات مری

کتنی باتیں ہوئیں عیاں مجھ پر

اب تو نکہتؔ نہیں ہے پھولوں میں

پھر بھی اٹھتی ہیں انگلیاں مجھ پر

wo hue aise mehrban mujh par

bar hone laga jahan mujh par

kitni shaffaf zindagani thi

ab to chhane laga dhuan mujh par

us ne a kar na kuchh safai di

qisse hote rahe bayan mujh par

gul ke manind ye sarapa tha

jane kab a gai khizan mujh par

mere dam se chaman mein rangat thi

rashk karti thin titliyan mujh par

main jahan se chali bhi jaun to

kya karega koi fughan mujh par

jab bhi us ne suni na bat miri

kitni baten huin ayan mujh par

ab to nikhat nahin hai phulon mein

phir bhi uthti hain ungliyan mujh par