اپنی ہستی میں سمٹتی جا رہی ہوں

اپنی ہستی میں سمٹتی جا رہی ہوں

ساری دنیا سے میں کٹتی جا رہی ہوں

ریت پر لکھے ہوئے اک نام جیسی

میں ہوا کے ساتھ مٹتی جا رہی ہوں

دیکھ کر فوج رقیباں گامزن میں

راستے سے خود ہی ہٹتی جا رہی ہوں

زیست کا تھی میں مکمل اک فسانہ

کس لئے قسطوں میں بٹتی جا رہی ہوں

apni hasti mein simatti ja rahi hun

sari duniya se main katti ja rahi hun

ret par likhe hue ik nam jaisi

main hawa ke sath mitti ja rahi hun

dekh kar fauj raqiban gamzan mein

raste se khud hi hatti ja rahi hun

zist ka thi main mukammal ik fasana

kis liye qiston mein batti ja rahi hun