خدا را آ کے مری لو خبر کہاں ہو تم

خدا را آ کے مری لو خبر کہاں ہو تم

مرے حبیب مرے چارہ گر کہاں ہو تم

نہ راستوں کی خبر اور نہ منزلوں کا پتہ

کہاں میں جاؤں مرے راہ بر کہاں ہو تم

اے باغ دل کے ملنسار باغبان ضعیف

درخت دینے لگے ہیں ثمر کہاں ہو تم

سنائی دیتی ہے ہر پل مجھے تری آواز

دکھائی کیوں نہیں دیتے مگر، کہاں ہو تم؟

غضب کی دھوپ ہے اور سائبان کوئی نہیں

میں جل رہا ہوں مرے بام و در کہاں ہو تم

کچھ ان کی خیر خبر ساتھ لے کے آئے ہو؟

چلے بھی آؤ مرے نامہ بر کہاں ہو تم

khuda ra a ke miri lo khabar kahan ho tum

mire habib mire chara gar kahan ho tum

na raston ki khabar aur na manzilon ka pata

kahan main jaun mire rah bar kahan ho tum

ai bagh-e-dil ke milansar baghban zaif

darakht dene lage hain samar kahan ho tum

sunai deti hai har pal mujhe tiri awaz

dikhai kyun nahin dete magar, kahan ho tum?

ghazab ki dhup hai aur saiban koi nahin

main jal raha hun mire bam-o-dar kahan ho tum

kuchh un ki khair khabar sath le ke ae ho?

chale bhi ao mire nama bar kahan ho tum