یہ جو احباب ہیں میرے سبھی کترانے لگتے ہیں

یہ جو احباب ہیں میرے سبھی کترانے لگتے ہیں

نہ جانے اس غریبی سے یہ کیوں گھبرانے لگتے ہیں

جو سچ کہتا ہوں میں تو کیوں برا لگتا ہے لوگوں کو

ہر اک جانب سے جو پتھر مرے گھر آنے لگتے ہیں

جو قاتل ہیں وہ پھرتے ہیں شریفوں کی طرح لیکن

ستم کیوں بے گناہوں پر ستمگر ڈھانے لگتے ہیں

امیر شہر جب دیکھو پڑا ہے عیش و عشرت میں

غریبی کے مگر دن کب اسے یاد آنے لگتے ہیں

گزاری ساتھ میں جن کے خوشی کی ہر گھڑی میں نے

نہ جانے کیوں مرے محبوب اب شرمانے لگتے ہیں

برائی اس قدر دنیا میں بڑھتی جائے ہے یاسینؔ

جدھر دیکھو ادھر میخانے ہی میخانے لگتے ہیں

ye jo ahbab hain mere sabhi katrane lagte hain

na jane is gharibi se ye kyun ghabrane lagte hain

jo sach kahta hun main to kyun bura lagta hai logon ko

har ik janib se jo patthar mire ghar ane lagte hain

jo qatil hain wo phirte hain sharifon ki tarah lekin

sitam kyun be gunahon par sitamgar dhane lagte hain

amir-e-shahr jab dekho para hai aish-o-ishrat mein

gharibi ke magar din kab use yad ane lagte hain

guzari sath mein jin ke khushi ki har ghari main ne

na jane kyun mire mahbub ab sharmane lagte hain

burai is qadar duniya mein barhti jae hai yasin

jidhar dekho idhar maikhane hi maikhane lagte hain