Arooz is now on the App Store, for iPhone and iPad. Download →

All poetry

محبت کرنے والوں کی عنایت بھی ضروری ہے

Yaseen Barari (b. 1937)

محبت کرنے والوں کی عنایت بھی ضروری ہے

جو ہے سچی محبت تو صداقت بھی ضروری ہے

مسلماں ہو کہ ہندو ہو یہودی ہو کہ عیسائی

خدا کے ایک اک بندے پہ طاعت بھی ضروری ہے

گنہ کوئی اگر ہو جائے تم سے جانے انجانے

بہانا اشک تم بے حد ندامت بھی ضروری ہے

خدا کا واسطہ ظالم کو دے کر پہلے سمجھاؤ

جو نہ مانے کسی سے تو عداوت بھی ضروری ہے

زمانے بھر کے شعبوں میں سبق ایمان کا دینا

اگر ہے سرخ رو ہونا صداقت بھی ضروری ہے

نکل آؤ غم ضبط الم سے آج پھر یاسینؔ

مظالم ڈھانے والوں سے بغاوت بھی ضروری ہے