ماجرا الفت کا تیری اور ہم لکھیں گے کیا

ماجرا الفت کا تیری اور ہم لکھیں گے کیا

پیار تجھ سے ہو گیا ہے اس کو پھر بھولیں گے کیا

کاش تم یہ فیصلہ کر جاتے اپنے پیار کا

اپنی قسمت آزما کر بزم میں دیکھیں گے کیا

آرزوئیں ساری بر آئیں گی کیسے سوچئے

یہ سوال اپنے ہی قلب و جاں سے ہم پوچھیں گے کیا

اس کا آنا ہے یقیناً وہ تو آئے گی مگر

موت کی آنکھوں میں آنکھیں ڈال کر دیکھیں گے کیا

رزق دینے والا تو ہم کو نظر آتا نہیں

جو مقدر ہو چکا ہے اس سے اور پائیں گے کیا

حق پرستی اور صداقت کا سبق ہم نے دیا

دنیا والوں سے بھلا یاسینؔ ہم سیکھیں گے کیا

majra ulfat ka teri aur ham likhenge kya

pyar tujh se ho gaya hai us ko phir bhulenge kya

kash tum ye faisla kar jate apne pyar ka

apni qismat azma kar bazm mein dekhenge kya

arzuen sari bar aengi kaise sochiye

ye sawal apne hi qalb-o-jan se ham puchhenge kya

us ka ana hai yaqinan wo to aegi magar

maut ki ankhon mein ankhen dal kar dekhenge kya

rizq dene wala to ham ko nazar ata nahin

jo muqaddar ho chuka hai us se aur paenge kya

haq parasti aur sadaqat ka sabaq ham ne diya

duniya walon se bhala yasin ham sikhenge kya