انسان سے انسان کو نفرت نہیں اچھی

انسان سے انسان کو نفرت نہیں اچھی

احسان جتانے کی بھی عادت نہیں اچھی

بھائی کی برائی جو کیا کرتا ہے ہر دم

ہر ایسے منافق کی محبت نہیں اچھی

ذلت کے سوا اور نہ کچھ اس کو ملے گا

مکار و گنہ گار کی صحبت نہیں اچھی

کرتا ہے امانت میں خیانت جو سراسر

ہر ایسے بشر سے کوئی نسبت نہیں اچھی

آئے نہ کبھی کام غریبوں کے تو اے دوست

انبار ہو دولت کا وہ دولت نہیں اچھی

گلشن کے سنورنے میں لہو ہم نے دیا ہے

حق دار گلستاں سے بغاوت نہیں اچھی

انصاف غریبوں کو جو منصف نہ دلائے

ہو ایسی جہاں پر وہ عدالت نہیں اچھی

یاسینؔ جو فطرت ہے بدلتی نہیں لیکن

ہے وقت بدل جو تری عادت نہیں اچھی

insan se insan ko nafrat nahin achchhi

ehsan jatane ki bhi adat nahin achchhi

bhai ki burai jo kya karta hai har dam

har aise munafiq ki mohabbat nahin achchhi

zillat ke siwa aur na kuchh us ko milega

makkar-o-gunah gar ki sohbat nahin achchhi

karta hai amanat mein khayanat jo sarasar

har aise bashar se koi nisbat nahin achchhi

ae na kabhi kam gharibon ke to ai dost

ambar ho daulat ka wo daulat nahin achchhi

gulshan ke sanwarne mein lahu ham ne diya hai

haq dar gulistan se baghawat nahin achchhi

insaf gharibon ko jo munsif na dilae

ho aisi jahan par wo adalat nahin achchhi

yasin jo fitrat hai badalti nahin lekin

hai waqt badal jo tiri adat nahin achchhi