ہم اپنی پشت پر کھلی بہار لے کے چل دیے

ہم اپنی پشت پر کھلی بہار لے کے چل دیے

سفر میں تھے سفر کا اعتبار لے کے چل دیے

سڑک سڑک مہک رہے تھے گل بدن سجے ہوئے

تھکے بدن اک اک گلے کا ہار لے کے چل دیے

جبلتوں کا خون کھولنے لگا زمین پر

تو عہد ارتقا خلا کے پار لے کے چل دیے

پہاڑ جیسی عظمتوں کا داخلہ تھا شہر میں

کہ لوگ آگہی کا اشتہار لے کے چل دیے

جراحتیں ملیں ہمیں بھی انکسار کے عوض

جھکا کے سر صداقتوں کی ہار لے کے چل دیے

ham apni pusht par khuli bahar le ke chal diye

safar mein the safar ka etibar le ke chal diye

sarak sarak mahak rahe the gul badan saje hue

thake badan ik ik gale ka har le ke chal diye

jibillaton ka khun kholne laga zamin par

tu ahd-e-irtiqa khala ke par le ke chal diye

pahar jaisi azmaton ka dakhila tha shahr mein

ke log agahi ka ishtihar le ke chal diye

jarahten milen hamen bhi inkisar ke ewaz

jhuka ke sar sadaqaton ki har le ke chal diye