مری دعاؤں کی سب نغمگی تمام ہوئی

مری دعاؤں کی سب نغمگی تمام ہوئی

سحر تو ہو نہ سکی اور پھر سے شام ہوئی

کھلا جو مجھ پہ ستم گاہ وقت کا منظر

تو مجھ پہ عیش و طرب جیسی شے حرام ہوئی

مرے وجود کا صحرا جہاں میں پھیل گیا

مرے جنوں کی نحوست زمیں کے نام ہوئی

ابھی گری مری دیوار جسم اور ابھی

بساط دیدہ و دل سیر گاہ عام ہوئی

تو لا مکاں میں رہے اور میں مکاں میں اسیر

یہ کیا کہ مجھ پہ اطاعت تری حرام ہوئی

miri duaon ki sab naghmagi tamam hui

sahar to ho na saki aur phir se sham hui

khula jo mujh pe sitam gah waqt ka manzar

tu mujh pe aish-o-tarab jaisi shai haram hui

mire wajud ka sahra jahan mein phail gaya

mire junun ki nuhusat zamin ke nam hui

abhi giri miri diwar jism aur abhi

bisat-e-dida-o-dil sair gah-e-am hui

tu la makan mein rahe aur main makan mein asir

ye kya ke mujh pe itaat tiri haram hui