مسئلوں کی بھیڑ میں انساں کو تنہا کر دیا

مسئلوں کی بھیڑ میں انساں کو تنہا کر دیا

ارتقا نے زندگی کا زخم گہرا کر دیا

ڈیڑھ نیزے پر ٹنگے سورج کی آنکھیں نوچ لو

بے سبب دہشت زدہ ماحول پیدا کر دیا

فکر کی لا‌ مرکزیت جاگتی آنکھوں میں خواب

ہم خیالی نے زمانے بھر کو اپنا کر دیا

اک شجر کو جسم کی نم سبز گاہوں کی تلاش

اور اس تحریک نے جنگل کو سونا کر دیا

خون کی سرخی سفیدی کی طرح محو سفر

کچھ نئے رشتوں نے ہر رشتے کو گندا کر دیا

اک کرن تسخیر کل کی سمت تھا پہلا قدم

آگ اگلتی آندھیوں نے ہم کو اندھا کر دیا

masalon ki bhir mein insan ko tanha kar diya

irtiqa ne zindagi ka zakhm gahra kar diya

derh neze par tange suraj ki ankhen noch lo

be sabab dahshat zada mahaul paida kar diya

fikr ki la markaziyyat jagti ankhon mein khwab

ham khayali ne zamane bhar ko apna kar diya

ik shajar ko jism ki nam sabz gahon ki talash

aur is tahrik ne jangal ko sona kar diya

khun ki surkhi safedi ki tarah mahw-e-safar

kuchh nae rishton ne har rishte ko ganda kar diya

ik kiran taskhir kal ki samt tha pahla qadam

ag ugalti andhiyon ne ham ko andha kar diya