اس طرح مرجھا گئے کچھ پھول چہرے رات کو

اس طرح مرجھا گئے کچھ پھول چہرے رات کو

دھوپ آنگن میں اتر آئی ہو جیسے رات کو

عمر بھر سورج بھی جن کی دید سے قاصر رہے

ان حیا داروں کے اٹھتے ہیں جنازے رات کو

زیست کا سرمایہ ہے یادیں انہی لمحات کی

ماؤں سے جب لوریاں سنتے تھے بچے رات کو

بن گئے ہیں رہزنوں کے واسطے جائے اماں

اور مسافر کے لئے ہیں موت رستے رات کو

اس طرح اب تو گزرتی ہے مری عمر رواں

کھانستے ہیں جس طرح پرواز بوڑھے رات کو

is tarah murjha gae kuchh phul chehre rat ko

dhup angan mein utar ai ho jaise rat ko

umr bhar suraj bhi jin ki did se qasir rahe

un haya daron ke uthte hain janaze rat ko

zist ka sarmaya hai yaden unhi lamhat ki

maon se jab loriyan sunte the bachche rat ko

ban gae hain rahzanon ke waste jae aman

aur musafir ke liye hain maut raste rat ko

is tarah ab to guzarti hai miri umr-e-rawan

khanaste hain jis tarah parwaz burhe rat ko