جسے ہم ڈھونڈتے پھرتے رہے ہر ایک محفل میں

جسے ہم ڈھونڈتے پھرتے رہے ہر ایک محفل میں

شراب عشق وہ ہم کو ملی میخانۂ دل میں

یہ آنکھیں جب بھی روتی ہیں بھگو دیتی ہیں عارض کو

بڑا گہرا تعلق ہے سمندر اور ساحل میں

جہاں پر عدل کا پرچم ہر اک پرچم سے اونچا ہو

سمجھ لینا وہی بہتر قبیلہ ہے قبائل میں

مجھے تو شاعری کرنے کی بھی فرصت نہیں ملتی

الجھ جاتا ہوں اکثر میں ریاضی کے مسائل میں

ہمیں نے دیکھی ہے تاریخ کی سب سے بری ہجرت

دلوں سے لوگ نکلے اور بسے جا کر موبائل میں

جو یہ کہتے ہیں ہم نے تو قیامت کو نہیں دیکھا

حیاتؔ ان سے یہ کہتا ہے کبھی جھانکو مرے دل میں

jise ham dhundte phirte rahe har ek mahfil mein

sharab-e-ishq wo ham ko mili maikhana-e-dil mein

ye ankhen jab bhi roti hain bhigo deti hain ariz ko

bara gahra taalluq hai samundar aur sahil mein

jahan par adl ka parcham har ik parcham se uncha ho

samajh lena wahi behtar qabila hai qabail mein

mujhe to shayari karne ki bhi fursat nahin milti

ulajh jata hun aksar main riyazi ke masail mein

hamen ne dekhi hai tarikh ki sab se buri hijrat

dilon se log nikle aur base ja kar mobail mein

jo ye kahte hain ham ne to qayamat ko nahin dekha

hayat un se ye kahta hai kabhi jhanko mire dil mein