سمجھے ہیں مثل کاہ مجھے مارتے ہیں لوگ
Yaqoob Parwazسمجھے ہیں مثل کاہ مجھے مارتے ہیں لوگ
کتنے ہیں کم نگاہ مجھے مارتے ہیں لوگ
اتنا بھی احتجاج گوارا نہیں انہیں
بھرتا ہوں جب بھی آہ مجھے مارتے ہیں لوگ
مانا کہ تیرے عدل کا ڈنکا ہے چار سو
لیکن اے کج کلاہ مجھے مارتے ہیں لوگ
طے ہے کہ پھر گرا دیا جاوں گا چاہ میں
پہلے برون چاہ مجھے مارتے ہیں لوگ
یوں بھی فروغ دیتے ہیں اپنے دروغ کو
لا کر کوئی گواہ مجھے مارتے ہیں لوگ
samjhe hain misl-e-kah mujhe marte hain log
kitne hain kam nigah mujhe marte hain log
itna bhi ehtijaj gawara nahin unhen
bharta hun jab bhi ah mujhe marte hain log
mana ke tere adl ka danka hai char su
lekin ai kaj kulah mujhe marte hain log
tai hai ke phir gira diya jaon ga chah mein
pahle birun chah mujhe marte hain log
yun bhi farogh dete hain apne darogh ko
la kar koi gawah mujhe marte hain log