ہوا کی چال چل جائے گا تو بھی

ہوا کی چال چل جائے گا تو بھی

خبر کیا تھی بدل جائے گا تو بھی

کہاں ٹھہری ہے خواہش کوئی دل میں

مرے دل سے نکل جائے گا تو بھی

مخاطب ہوں جمال یار تجھ سے

مثال ماہ ڈھل جائے گا تو بھی

بس اپنے تجربے کی روشنی میں

میں سمجھا تھا سنبھل جائے گا تو بھی

ہنسے تو لاکھ میری طفلگی پر

کھلونوں سے بہل جائے گا تو بھی

hawa ki chal chal jaega tu bhi

khabar kya thi badal jaega tu bhi

kahan thahri hai khwahish koi dil mein

mire dil se nikal jaega tu bhi

mukhatib hun jamal-e-yar tujh se

misal-e-mah dhal jaega tu bhi

bas apne tajribe ki raushni mein

main samjha tha sambhal jaega tu bhi

hanse to lakh meri tiflagi par

khilaunon se bahal jaega tu bhi