ویسے تو بے شمار ہیں قامت کشیدہ لوگ

ویسے تو بے شمار ہیں قامت کشیدہ لوگ

گنتی ہوئی تو رہ گئے بس چیدہ چیدہ لوگ

دستار کے حصول کا کوئی تو ہو جواز

کس زعم میں ہیں مبتلا یہ سر بریدہ لوگ

اے کاش اپنی موت ہی مرتے تو تھا مزا

جاں سے گزر گئے ہیں جو مردم گزیدہ لوگ

کوئی تو پشتی بان ہے ان کا یہیں کہیں

کب بیٹھتے ہیں چین سے دامن دریدہ لوگ

کھینچے گی طول کب تلک مہلت ملی ہوئی

فرعون بن گئے ہیں ترے آفریدہ لوگ

پروازؔ جن کی دید کو آنکھیں ترس گئیں

لائیں کہاں سے ڈھونڈ کے ایسے چنیدہ لوگ

waise to be shumar hain qamat kashida log

ginti hui to rah gae bas chida chida log

dastar ke husul ka koi to ho jawaz

kis zaam mein hain mubtala ye sar burida log

ai kash apni maut hi marte to tha maza

jan se guzar gae hain jo mardum gazida log

koi to pushti ban hai un ka yahin kahin

kab baithte hain chain se daman darida log

khinchegi tul kab talak mohlat mili hui

firaun ban gae hain tire afrida log

parwaz jin ki did ko ankhen taras gain

laen kahan se dhund ke aise chunida log