آرائش چند پل رہی تھی

آرائش چند پل رہی تھی

پوشاک یاد گل رہی تھی

چوکھٹ سے دست آرزو تک

برفیلی آگ جل رہی تھی

تھراتے گوشوارے کی لو

لشکارے سے بہل رہی تھی

تاروں کی راکھ سر پہ اوڑھے

ہجرت گھر سے نکل رہی تھی

ہاتھوں کی ادھ کھلی کہانی

ہونٹوں پر پھول پھل رہی تھی

وہ موسم گیت کا نہیں تھا

ٹہنی زیور بدل رہی تھی

پیڑوں کی راکھ سے پرے تک

جسموں کی جوت جل رہی تھی

araish chand pal rahi thi

poshak-e-yad gul rahi thi

chaukhat se dast-e-arzu tak

barfili ag jal rahi thi

tharrate goshware ki lau

lashkare se bahal rahi thi

taron ki rakh sar pe orhe

hijrat ghar se nikal rahi thi

hathon ki adh khuli kahani

honton par phul phal rahi thi

wo mausam git ka nahin tha

tahni zewar badal rahi thi

peron ki rakh se pare tak

jismon ki jot jal rahi thi