وحشت کی ماری آنکھوں نے دل کے شہر کو پرخوں دیکھا

وحشت کی ماری آنکھوں نے دل کے شہر کو پرخوں دیکھا

شیشۂ خواب سے یوں پتھرائیں کہ دیر تلک پھر گردوں دیکھا

گھن کے گھروں کے گن گاؤ ہم ان کی حفاظت میں پستے ہیں

کیڑو مکوڑو تمہاری مجال کہ تم نے ہمارا گیہوں دیکھا

جس کایا چھتر چھایا نے دھوپوں کے دھارے غلط کیے

ہنستے بستے پاگل نے اس بادل سے باہر کیوں دیکھا

چندر مکھی صبحوں کو تڑپی شاموں کو سورج مکھی روئی

روز و شب کے آئینے کو ہم نے ہمیشہ دگر گوں دیکھا

سکھیوں اللہ رکھیوں نے بس تعبیروں کی دھول اڑائی

میں نے پورے ہوش و حواس میں دھند کے پار ہمایوں دیکھا

کیسی رسیلی کیسی کٹیلی اوک پہ اپنی پیاسی نظر تھی

جوں گنے کی پوریں دیکھیں اور پوروں میں لیموں دیکھا

شاعر نے دیوار عدم سے روزن بندوبست نکالا

محبوبہ کے اینٹ برابر نظارے کو جوں توں دیکھا

wahshat ki mari ankhon ne dil ke shahr ko purkhun dekha

shisha-e-khwab se yun pathraen ke der talak phir gardun dekha

ghin ke gharon ke gin gao ham un ki hifazat mein piste hain

kero makoro tumhari majal ke tum ne hamara gehun dekha

jis kaya chhatr chhaya ne dhupon ke dhare ghalat kiye

hanste baste pagal ne is badal se bahar kyun dekha

chandar makkhi subhon ko tarpi shamon ko suraj makkhi roi

roz-o-shab ke aine ko ham ne hamesha digar gun dekha

sakhiyon allah rakhiyon ne bas taabiron ki dhul urai

main ne pure hosh-o-hawas mein dhund ke par hamiyon dekha

kaisi rasili kaisi katili ok pe apni pyasi nazar thi

jun gine ki poren dekhen aur poron mein limun dekha

shayar ne diwar adam se rauzan bandobast nikala

mahbuba ke int barabar nazzare ko jun tun dekha