پاؤں کسی شور میں نہ شر میں کھلے

پاؤں کسی شور میں نہ شر میں کھلے

نعرۂ زنجیر کی زبر میں کھلے

ہاتھ پرندے جو پھڑپھڑائے بہت

تلخ کلامیٔ خشک و تر میں کھلے

نیند کے جنگل تھے خواب گاہ میں گم

دشت سے لپٹے ہوئے نگر میں کھلے

دل تو کسی مستقر کی موج میں تھا

داغ مگر دامن سفر میں کھلے

ماتھا سجاؤں سجیلے پات سے میں

تاب ستارہ جو برگ تر میں کھلے

جسم لبوں تک بہت رسید ہوا

شاخچوں کے ذائقے ثمر میں کھلے

چٹھی برائے فروغ رنگ سمجھ

مٹھی اگر دستک سحر میں کھلے

paon kisi shor mein na shar mein khule

naara-e-zanjir ki zabar mein khule

hath parinde jo pharpharae bahut

talkh kalami-e-khushk-o-tar mein khule

nind ke jangal the khwab gah mein gum

dasht se lipte hue nagar mein khule

dil to kisi mustaqar ki mauj mein tha

dagh magar daman safar mein khule

matha sajaun sajile pat se main

tab sitara jo barg-e-tar mein khule

jism labon tak bahut rasid hua

shakhchun ke zaiqe samar mein khule

chitthi bara-e-farogh-e-rang samajh

mutthi agar dastak sahar mein khule